Үйлчилгээ

Бид Есүс Христэд итгэгчид болон бидний эргэн тойронд амьдарч буй бүх ахан дүүсийнхээ төлөө үргэлж Тэнгэрбурхан Аавдаа залбирч, тэдэнд зориулан шашны сургалт, семинарууд болон хүмүүнлэгийн тусламж зэрэг олон төрлийн үйлчилгээг байнга үзүүлдэг.

Мөргөл

Мөргөл гэдэг нь– Итгэгчид Тэнгэрбурхандаа магтаал талархалаа өргөн тодорхой зүйлийн төлөө залбирч өөрсдийгөө даатган Эзэнтэй нэгддэг нэгэн төрлийн залбирал бөгөөд Тэнгэрбурхантай уулзах хамгийн нандин мөч юм. Мөн Эзэний биеийг хүндэтгэж буйгаа илэрхийлэн залбирдаг " Хүндэтгэлийн залбирал ", Тэнгэрбурханаас хүлээн авсан бидний итгэлийг гүйцэлдүүлхийн тулд ариун сүнсний ивээлийг гуйн залбирдаг "Ариун сүнс хүлээн авах" залбирал, Ээж Мариагийн ариун зүрхтэй нэгдэж, Тэнгэрбурхантай илүү дотно болгож өгөхийг хүсэн залбирдаг " Сарнайн эрхин залбирал " зэрэг олон залбирал байдаг.

Томчуудын сургалт - Н.Х.А.Ё

Н.Х.А.Ё нь Католик сүм шинэ гишүүдийг угтан авах үйл явц буюу Христийн сүсэгтний амьдралд оруулах явцыг бүрэн гүйцэтгэнэ гэсэн үг. Энэ нь Эртний Сүмд ашиглагдаж байсан арга барилын эргэлт бөгөөд манай улсад үйл ажиллагаа явуулж буй бүх католик Сүмүүд хамтран уг сургалтыг зааж байна.

1. Угтах бүлэг

2. Альфа бүлэг

3. Категизмын анги

4. Библи хуваалцалын бүлэг

Нийгмийн ажил

Манай сүм нь Нийгмийн халамж хүмүүнлэгийн үйлчилгээнд
- Халуун ус
- Өдөр өнжүүлэх төв

- Хүмүүнлэгийн тусламж үзүүлэх зэрэг үйлчилгээгээнүүд явуулдаг бөгөөд амьдралын боломжгүй иргэдэд туслах зорилгоор хороо дүүрэгтэй хамтран ажилладаг. Мөн итгэгчдийн гараар хийсэн гар урлалын зүйлсийг худалдаж олсон орлогоо нийгмийн тусламж үйлчилгээнд зарцуулдаг юм.